Bakearen ekonomia

Edizio honetan Remedios Zafra idazleak parte hartuko du, CSICeko Filosofia Institutuko irakaslea, Bake Ekonomiara hurbilketa filosofiko bat egingo du. Bakea eraikitzeko jarduera ekonomikoaren eremuetan lan egiten jarraitzen da, Giza Eskubideen eta Euskal Enpresaren gaia ere sektore ezberdinetatik jorratuko da.

Edizio honek aurreko urteetan egindako lanarekin jarraitzen du, eta gaiak gure munduak aro digitalean bake-ekonomia, enpresa eta giza eskubideak, neo-extraktibismoa eta erakundeen kontrapisuak bezalako esparruetan dituen erronkak izango dira.

Gure munduak bizi dituen klima-aldaketak, desberdintasunen gorakadak, munduko pandemiak eta Ukrainiako gerrak agerian utzi dute erakunde sozial, politiko eta ekonomiak zer hauskorrak diren. Beharrezkoa da etorkizun baketsuagoa, jasangarriagoa eta parekideagoa bermatuko duten eredu ekosozialetaranzko trantsizioa egiteko aldaketak egitea.

Gernika Gogoratuz, Bakearen aldeko ikerketa zentroak laugarren urtez jarraian antolatu du Laborategi hau euskal enpresa eta agintaritzek Bakearen Ekonomiari eta giza eskubideen arloari egin beharreko ekarpenez hitz egin eta gogoeta egiteko.

Aurten, unibertsitate, gobernu eta administrazioek, sektore pribatuak eta gizarte zibilak aukera daukate informazioa partekatzeko, eta euskal enpresa eta agintaritzek Bakearen Ekonomiari eta giza eskubideen arloari egin beharreko ekarpenez hitz egin eta gogoeta egiteko.

Bakearen ekonomiarako esparru analitiko baten inguruko hausnarketa egiteko laborategi eremua sortzen jarraitzea, bake eta gatazken inguruko ikerketak, ekonomia politikoa eta ekonomiaren dimentsio sinbolikoa oinarri hartuta.

Bakearen Ekonomia kontzeptua eta gobernatze modu berriak esploratzeko espazio bat irekitzea da laborategi honen helburua, euskal enpresen nazioartekotzean eta giza eskubideen errespetuan interesa duten sektoreko pertsonen artean.