GERNIKA GOGORATUZ-EK “BIZITZA DESMILITARIZATZEKO” NAZIOARTEKO MINTEGIAN PARTE HARTUKO DU
Jokin Alberdik eta Fernando Cruzek, Gernika Gogoratuz-eko lehendakari eta kolaboratzaileak, “bizitza desmilitarizatu, bakerako apustu demokratikoa” nazioarteko mintegian parte hartuko dute, otsailaren 27 eta 28an, Tolimako Ibagué-Tolima Unibertsitatean.
Ekitaldia Alfredo Molano Bravo Katedraren baitan egingo da, Kolonbia sakoneko ahotsak eta egiak (CAMB), eta Bakearen eta Giza Eskubideen Behatokiak, Giza Zientzien eta Arteen Fakultateak, Tolimako Unibertsitateak, Amazoniako Unibertsitateak, Gernika Gogoratuz-ek eta Ideasurrek antolatuko dute.
Jokin Alberdi UPV/EHUko irakaslea da, eta hilaren 27an “Lurralde-gatazkak eta gerra-ekonomiak” gaiaz hitz egingo du, eta 28an “Demokrazia eta bake-ekonomia gatazkan dauden lurraldeetan” gaiaz. Bestalde, Fernando Cruzek «Lurralde-bizitzaren militarizazioa, aniztasuna berdintzea» landuko du, eta 28an «Bizitzaren desmilitarizazioa, lurralde-bakearekiko apustua».
Ekitaldiaren helburua gatazkan dauden lurraldeetako bizitzen militarizazioak izan duen eragin kultural, sozial, ekonomiko eta politikoei buruzko gogoeta egitea da, baita gizarte gisa alor horretan zer egin dezakegun hausnartzea ere, Egiaren Batzordearen Legatua kontuan hartuta, Kolonbiako gatazka armatua gaindituz demokratizaziorantz eta bakerantz egiten laguntzeko.
Mintegiaren lan-esparrua, Ibaguén eta Florentzian egingo da hurrenez hurren, CAMBen edukiak eta metodologia kontuan hartuta. Egiaren Batzordeak sortutako gunea da eta herrialdeari utzi zion Legatua zabaltzea du helburu, bereziki Aurkikuntzak eta Gomendioak kapituluan jasotzen dena, eta baita Alfredo Molano Bravo idazle eta soziologoaren Legatua ere, gizarteratu eta gizarteak berak barneratu ditzan.
