Albisteak

Zerua zeharkatzen duten hodeiak naturak gizakiari eskain dakiokeen ikuskizun adierazkor eta aldakorrena dira. Hodeiek ikuslearen fantasia kilika dezakete, bedeinkapena zein zoritxarra ohartaraz dezaketen bezala. Izan ere, XX. mendetik aurrera, zerutik ez datozkigu bakarrik naturaren arriskuak, mehatxu militarrak ere bai. Gernika eta Berlin zerutik sortu daitekeen suntsipenaren lekuko dira.

Baina alderdi negatiboez haratago, hodeien iruditegiak dimentsio estetiko eta politiko bat ere badauka: hodeiak askatasunaren eredu dira, forma eta molde unibertsalen jabe, nazioek ezarritako mugez gain dabiltzanak.

Michael Klant-en “Zeru-trukaketa proiektuak” Berlin eta Gernikako zeruak artistikoki elkar lotzeko asmoa du. Horretarako, apirilaren 25an, Gernikako bonbardaketaren 82. urteurrenean, Berlinen, Gernikako zerua erakutsiko da hegazkin bati lotutako pankarta baten bidez. Era berean, irailaren 21ean, Bakearen nazioarteko egunean, Gernikan, Berlingo zerua agertuko da.

Proiektu honen bidez inbasio artistiko bat bilatzen da, memoria bultzatzeko bake-mezu bat eta jendea berradiskidetzeko ekintza bat izanik.

Lehenengo hegaldia. 2019 APIRILA 26. Berlin.