Memoriaren pedagogia Gernikako bonbardaketaren inguruan

Gernika Gogoratuzek Gernikako Bonbardaketaren 60. urteurrena ospatu zuen Heinrich-Böll Fundazioarekin, aireko erasotik bizirik atera zirenekin, Gernikako eta Pforzheimeko arreba den hiriko herritarrekin batera, Kultura eta Bakerako VII. Konferentziaren baitan. Ekitaldi hau Petra Karin Kellyren bizitza, obra eta ondare politikoa omentzeko ere egin zen.
Herritarren diplomazia mailan egindako proposamenek Gernika eta Alemaniaren arteko adiskidetze prozesua ahalbidetu zuten. Bi aldeen arteko hurbilketa balio sinboliko handiko keinu batean amaitu zen: Roman Herzog Alemaniako presidentearen agurra, bonbardaketatik bizirik atera ziren pertsonei zuzendua.

Gernikako bonbardaketatik bizirik atera ziren gizon eta emakumeen memoria berreskuratzeko ikerketak memoria eta bakearen kultura aztertzeko lan-ildoari ekin zion, topaguneak irekitzeko helburuarekin. Helburua, gerren ondorioak aztertzea, historia hurbileko irakaspenak ikastea eta bake-agendatik sortzen ari diren proposamenei buruz eztabaidatzea izan zen.

Bizirik atera ziren gizon eta emakumeen kolektiboak, Luis Iriondoren bitartez, adiskidetzeko agiri bateratu bat irakurri zuten.

Erich Maria Remarque Osnabrücken (Alemania) egoitza duen elkartea Gernikan da, Gernika Gogoratuzek lantzen dituen memoria historikoaren inguruko etorkizuneko lankidetza-proiektuak jorratzeko.

Gernika Gogoratuz, «Gernika gogoratzeko artea. Oroitzapen historikoa eta bakearen aldeko konpromisoa» erakusketak artearen inguruko metafora bat proposatzen du, esperientzia estetiko gisa, oroimenaren eta bakearen eraikuntzaren esparruan egiten duen lana islatzeko.

Dieprand von Richthofenek eta Karl-Benedikt von Moreauk Gernika bisitatuko dute, Gernika Gogoratuz-ek gonbidatuta, apirilaren 25ean eta 26ean Gernikako bonbardeaketaren 80. urteurrena ospatzeko egingo diren ekitaldietan parte hartzeko.

1937ko apirilean Gernika bonbardatu zuten pilotuen Dieprand von Richthofen (semea) y Karl-Benedikt von Moreau (iloba).

Gernikako bonbardaketatik bizirik atera ziren gizon eta emakumeen kolektiboaren topaketak

1997tik 2010era, Gernika Gogoratuz-ek urtero antolatu ditu bizirik atera diren gizon eta emakume lekukoen topaketak.

Jarduera horiek funtsezkoak izan dira protagonisten narratiben bidez memoria historikoa berreskuratzeko.

1997an, oroitzapenezko 60. urteurrenean, bizirik atera zirenen lehen topaketa egin zen Gernikako merkatu plazan.

Bizirik atera ziren gizon eta emakumeen kolektiboak, Luis Iriondoren bitartez, adiskidetzeko baterako agiria irakurri dute.

1999. III. Topaketa

Biziraun zutenen kolektiboak eskaera egin zion orduko Espainiako Gobernuko Kultura ministroari, Gernikako bonbardeaketaren egiletza argitzeko.

2001.ko V. topaketa

“Bizitzako istorioak” proiektua aurkezten da. Bizirik atera direnen seme-alabek, eta bilobek parte hartzen dute. Ellen Fritsche Alemaniako Von Richthofen komandantearen alabak gutun bat bidali die Gernikan bizirik atera zirenei.

2002.ko VI. topaketa

Munduko hainbat lekutako artistak Gernikako bonbardaketatik bizirik atera zirenekin eta Hiroshima eta Nagasakiko bonbardaketetatik bizirik atera zirenen senideekin bilduko dira. Memoria Historikoaren lehen erakusketa antolatu da.

2003.ko VII. Topaketa

Dresden (Alemania) eta Gernikan bizirik atera zirenek manifestu bat idatzi dute Irak-eko esku-hartze armatuaren aurka.

2004. VIII. Topaketa

Nora Lang eta Helga Sievers Dresdeko bonbardaketatik bizirik atera ziren bi lagunen eta Christel Augenstein Pforzheimeko alkate nagusiaren bisita.

2006. X. Topaketa

“Gernika From the sky to the bottom” proiektua aurkezten da. Gernika Gogoratuz kolaboratzen duen New Yorkeko Anita Glesta artistaren eskutik.

2007. XI. Topeketa

Gernikako bonbardaketaren 70. urteurrena. Euskadiko gerraren haurren hiru elkarteetako (Bizkaia, Gipuzko, Araba) ordezkarien eta Durango eta Otxandioko bonbardaketako bizirauleen kolektiboko hainat ordezkariren hitzak.

2009. XIII. Topaketa

Gernikako bonbardaketatik (1997-2008) bizirik atera ziren pertsonen 10 urte baino gehiagoko topaketen, bazkarien eta jardueren argazki liburuaren aurkezpena.

2010. XIV. Topaketak

Bizitza historiak eta oroitzapenak; testigantzak: Otxandio (1936ko uztailaren 22a), Durango (1937ko martxoaren 31), Sant Adriá de Besós (1937 eta 1938), Nagasaki (1945eko abuztuaren 9a), eta Gernika (1037ko apirilaren 26a).

Jarduerak

Urtero egiten diren ekitaldi horiek memoriari eta bakearen kulturari buruzko azterlanen ildoari forma ematen diote, eta oroitzapenak gogora ekartzeko, asmoak deitzeko eta bizikidetza baketsuen eraikuntza kolektiboaren inguruko hausnarketak eragiteko espazioak ahalbidetzen dituzte.

1991tik Gernikako Bonbardaketaren oroimenezko ekitaldien barruan antolatu dira, herriko Udalarekin elkarlanean.

Ikerketa-proiektuak

Memoriari eta bakearen kulturari buruzko azterlanen lan-ildoaren bigarren helburua memoriaren pedagogia egiteko azterlanak eta prestakuntza-jarduerak egitea da.

Urteetan zehar, esperientziak trukatzeko eta belaunaldien arteko elkarrizketa sustatzeko proiektuak egiten dira.

Artea eta Memoria

Argitaratutako materialak

Gernika Sarea Bildumak ikus-entzunezko materialak eta monografiak argitaratzen ditu memoriaren azterketaren eta bakearen kulturaren lan ildoan.

Horrez gain, Gernika Gogoratuzek beste erakunde batzuekin materialak argitaratzen ere kolaboratzen du.

Ikus-entzunezkoak

Prentsa-dosierra