Sorburua. Bakearen Aldeko Emakumeak, Gernika Gogoratuz eta Gernikatik Mundura erakundeen ekimena da, eta tokiko, nazioko eta munduko bakearen alde lan egiten duten emakumeen erakundeak eta kolektibo feministak egituratzea du helburu.
Xedea emakumeen elkarteek eta oinarri feministadun kolektiboek bakearen alde egiten duten ahalegina ikusaraztea, ahalduntzea eta indartzea da; eragile aktibo gisa eguneroko gatazkak indarkeriarik gabeko eraldaketan, tokikoa eta globalki elkarri lotuta.
Emakumeen munduak kongresua (Congreso Mundos de Mujeres, MM) mundu akademikoko eta aktibismoko hainbat eremutako (emakumeen mugimenduak, feministak eta gizarte-mugimenduak) emakumeak eta gizonak biltzen dituen nazioarteko eta diziplinarteko ekitaldia da. Lehen Kongresua 1981ean ospatu zen Israelen, Haifako Unibertsitatean.
Mozambikeko Eduardo Mondlane Unibertsitateak ospatu zuen 2022an Emakumeen Munduak-en 14. kongresua. 2.256 partehartzaile batu ziren bertan aurrez aurre eta 831k modu birtualean jarraitu zuten ekitaldia, lau kontinentetako 32 herrialdetako jendea batuz: Afrika, Amerika, Asia eta Europa.
Aurreko edizioaren eskutik dator 15. Emakumeen munduak kongresua Euskadin ospatzearen proposamena, 2026an. Gernika Gogoratuzek Mozambikeko emakumeen elkarteekin, antolatzaileekin eta parte-hartzaileekin elkarlanean egindako lanagatik jaso da, tokitik bakearen eraikuntzara egiten dion ekarpena ikusarazteko.
Emakumeen munduak kongresuaren talde eragilea, agente eta erakunde sozial feminista eta bakezaleez osatua MM26 kongresua elkarlanean eraikitzeko.
Lurraldeko sorburuen aktibatzea: Euskadi, Mozambike eta Kolonbia. Emakumeen oinarrizko elkarteen artean tailerrak egitea, kongresurako bake-proposamen alternatiboak eta eraldatzaileak sortzeko.
Emakumeen munduak kongresua (MM26).
Ekitaldiaren antolaketa eta gauzatzea, bake agenda internazionalista batetik abiatuta ikuspegi feminista, anitz eta dekolonialetik.
Emakumeen senti-jakintza jasotzea, bakearen agenda feminista eraikitzeko.
Urria 2024
Sentipenaren, jakintzaren eta esperientzien trukea, herrialdean bakeak eraikitzeko.
Urria 2024
Talde eragilearen bilera eta tailerrak Cabo Delgado, Pemba eta Beiran.
Iraila 2024
Taldearen aurrez aurreko topaketak hasteko bidaia nazionalak egitea.
Abuztua 2024
